Songbasar slo til
Onsdagens songbasar i Todalen Ungdomshus hadde målsetting om 5 000 kroner til brønnprosjekt i Gambia. Stor stemning og gjevarglede skaffa over det dobbelte.
Visegruppene Basarensemblet (Kristiansund og Sunndal) og Kvameratene (Molde) var gjestar hos vertskoret Prosjekt 17. Allsongen stod i taket, og gruppene framførte kvar sine perler.
Idealisten og «kvameraten» Ole Foss heldt inspirerande appell om arbeidet for utdanning, mat- og vassforsyning i fattige Gambia. Han fekk ideen for mange år sia og har oppnådd mykje lokal støtte via kulturarrangement og ulike bidrag.
Jan-Øivind Jensen og Basarensemblet er ivrig og fast støttegruppe. Med variert allsongprogram frå Prøysen til Elvis, Paus og Guthrie skapte dei stor stemning i salen.
Trioen Kvameratene imponerte også. Eit festleg høgdepunkt var Ole Foss si «Borelia-vise» - inspirert av eit flått-bitt med (muntre) komplikasjonar.
– Kjempe-flått! kommenterte publikum.
Vertane P17 bidrog med litt Bellman, Haydn og utdrag frå korets «Seterkabaret» og «Med segl og Wichmann».
Annonse
Salget av kaffe og lodd skaffa mange kroner til Afrika-prosjektet.
- Vann-vittig bra!, kommenterte Ole Foss og lova at resultatet blir ein «Todalsbrynn» i Gambia - med skilting som fortel om innsamlinga denne onsdagskvelden i ei lita nordmørsbygd!
