ANNONSE:
![(frå v.) Erling Mylius, Tore Johansen, Brage Einum og Ivar Gafseth. 4 menn smiler til kameraet](https://image.trollheimsporten.no/265520.webp?imageId=265520&x=0.00&y=0.00&cropw=100.00&croph=100.00&width=960&height=788&format=jpg)
It’s hard to be a nissemann
Og Brage Einum er av dei nissemennene som slit mest på arbeid før jul. Fredag er han tilbake i Surnadal kulturhus, denne gongen saman med TRAVELLIN’ STRAWBERRIES.
Han har akkurat gjort unna julekonsertane til SKUV – med to fulle salar. Og det ser ut til å bli bra besøkt på fredag også. Så langt har godt over 200 sikra seg eit musikalsk møte med Ivar Gafseth, Tore Johansen, Erling Mylius – og Brage Einum.
Brage har vore fast medspelar for suksesstrioen frå THE JULEKALENDER sia 2019. og i år er det booka inn åtte konsertar no i julestria.
Trioen Gafseth, Johansen og Mylius har ei lengre historie saman før innspelinga av julekalenderen tilbake i 1994. Alle var med i den trøndske supergruppa Difference, starta i 1966 og med sin første suksess med «Tree of Love» året etter. Og Tore Johansens stemmeprakt er også dokumentert før i kulturhuset, m.a. med glansnummeret «O helga natt».
Kanskje blir den også å høre fredag, i tillegg til Beatles-låtar og musikk frå «The Julekalender».