Russerevyen: «Fuck ScHoul»

Stemninga er god når det nærmar seg premiere for russerevyen «Fuck ScHoul».

- Ein liten, men god gjeng, sier PR-sjef Maria Tonning Løvtangen om årets russekull. Det er mange som er i sving når ein revy skal settast opp og dei vel 35 elevane gjer ein strålande jobb. Det er flytande sceneskifte og ein god raud tråd gjennom førestillinga. Sjølv om avgangselevane ordnar mykje sjølv, har dei og litt lånt hjelp.

Lyd og lys: Rune Dalager og Frank Botten. Stødig i jobben som vanleg. Bandet: Johanne Holten, Sigve Holten, Per Olav Bredesen og Lubomir Alexandrov sørga for fengande og presis musikk.

Camilla Hyttebakk er instruktør ved årets revy. Ho får mykje skryt frå elevane for hjelpa ho har bidrege med. Kaja Sofie Kvande har laga koreografi. Og den satt hos dansarane! Under generalprøven fekk ein sjå fleire flotte fellesdansar.

Revyen tek oss med inn i skulekvardag, fritid og fest. I tråd med revynamnet ser dei seg og litt skulelei. I løpet av revyen følgjer vi ikkje berre elevane, men vi får og sjå litt av kva lærarane driv med i løpet av skuledagen.

Nokre velkjente lærarparodiar høyrer til på ein russerevy.

Om ein er gått ut i pensjon kan ein heller ikkje føle seg alt for trygg. Trym Ranes gjorde ein glimrande parodi på ein nyleg pensjonert lærar. Han fungerte som ein raud tråd og ein raud tråd er ofte ein suksessfaktor i ein revy.

Litt underbuksehumor og dristigheit slepp vi sjølvsagt ikkje unna.

Dyktige songare leverte fleire gode songnummer. Her syng Maria Tonning Løvtangen og Ola Gåsvatn. Marion Dragset og Lars Grytbakk i flott pardans.

Til tross for eit mindre kull kjem det fram fleire gode aktørar. I ein russerevy handlar det om totalpakka og der leverer dei. Russerevyen er ofte eit springbrett for vidare deltaking i forskjellige førestillingar. Anbefaler folk å ta turen for å sjå ungdommane på scena og heie på dei!

Bildeserie: