Kyndelsmessbasar
Kyndelsmessbasar på "Kyndelsmessaften"
Sidan det var kø av arrangement denne veka, vart årets Kyndelsmessbasar arrangert dagen før, på Kyndelsmessaften, viss det er noko som heiter det.
Som vanleg var det seld noko lodd på førehand, på COOP Exstra og nokre husbesøk, men det var folket som strøymde til Rindal Menighetshus denne onsdagskvelden, som fekk oppleve basarsøgen og sørge for verdig gave til misjonen, Det Norske Misjonsselskap.
Blide songarar frå Rindal Barnekor leda av Ronny Kjøsen og Elsa Jensvold hadde ei fin avdeling før åresalget.
Etter 6 rundar med åresalg og mange utdelte gevinstar var det trekning på dei listene som hadde vore ute på førehand i tillegg til under basaren.
Her ser du bilde frå åresalget, med mange glade vinnarar!
Ledar i Rindal Misjonsforening, Kjellaug Foseide, var godt fornøgd med resultatet av basaren, sjølv om det ikkje kom inn like mykje til misjonen som før pandemien. Ho retta også ein stor takk til alle som hadde sponsa basaren med gevinstar, og ikkje minst alle som hadde kjøpt lodd og årer.
Alle på basaren var også bortom luka til kjøkkenet der Brit og Berit hadde både smørbrød, kaffebrød og sviskegraut til salgs til spottpris, - men sikker valuta for pengane!
Nedanfor ser du vinnarane av listegevinstane.
