Surnadal NTN Taekwon-Do klubb:
Kviler ikkje på laurbær
Satser frisk på gamle og nye medlemmer.
Surnadal NTN Taekwon-Do klubb har nettopp vore med og lagt bak seg fleire vellukka sommarleirar. No er tida snart komen for å starte opp med klubbtreninger igjen. Dette er eit breddetilbud, i tillegg til at dei fem mest aktive kokurranseutøvarane er tatt ut til World Cup i Benidorm i månadsskiftet september/oktober.
No håpar klubben at tidlegare medlemmer børstar støvet av drakta etter sommaren og startar opp igjen. Treningstidene blir lagt på facebooksida til klubben.
– Det blir i tillegg starta eit lite nybegynnarparti i slutten av august, der det er plass til seks ungar, men dei må ha med seg kvar sin vaksen som også trener samtidig, seier ledar Kjell Gunnar Polden. Påmeldinga skjer gjennom nettsida til klubben.
– Vi er i rute til oppstart på begge avdelingane, både på Nordmøre Folkehøgskule og på Ålvundeid, seier Polden
Klubben har to avdelingar som er omtrent like store. Den eine trener på Nordmøre Folkehøgskule, den andre på grendahuset på Ålvundeid. Konkurransetreningane foregår på Nordmøre Folkehøgskule.
