Bøfjorden søndag

Lars Jostein Bævre frå Slektsforum har gode arkivtips.

Lynkurs i arkivsøk

Intressa for digitale søk etter slekt, foto og historie er stor og aukande. Søndag tilbyr Bøfjorden Historielag lynkurs i emnet.

Bøfjorden historielag Bøfjorden historielag Bøfjorden historielag innsendt bidrag
Publisert

På museet vil to erfarne arkivdykkarar, Lars Polden og Lars Jostein Bævre, gi rask og enkel innføring i korleis du med din PC kan leite på Digitalarkivet etter personar, bilete og historiske opplysningar.

- Vi gjer dette så endt-fram at alle kan ha utbytte av det, seier Lars Polden. 

Mann i kirke
Lars Polden – utrøtteleg og kunnskapsrik arkivgranskar

Folkeregistra frå 1800-talet fortel mykje. Kyrkjebøkene, no stort sett avskrivne med stor innsats av frivillige, utdjupar opplysningane.

Folketeljinga frå Heggem i 1875 viser eit folkhus på i alt 17 personar. Her er nokre av dei – John er Gaardbruger og Selveier, Helga Budeie og Nils både Fisker og Tømmerhugger.
Kyrkjeboka for Aure fire søndagar i desember 1803: Tal på nattverdgjestar (Communicanter), namn på gravlagde og etter eit tragisk forlis ser vi nedst: «Omkomne paa Søen og ikke fundne».

Slektsforum for Indre Nordmøre, stifta for 30 år sia, har engasjert mange i arkivarbeid, særleg med kartlegging av familielinjer bakover i tida. Den eine av temaduoen søndag, Lars Jostein Bævre, er med i styret for Slektsforum.

Også frå nyare tid finn ein mykje – her ein julekveld rundt 1950.

Forutan konkret rettleiing i digital arkivgransking vil publikum også få høre konkrete, kanskje ukjende, historier frå lokalmiljøet. Slike kjem no opp i lyset takka vere lett arkivtilgang. For å nemne ei av mange glømde hendingar: Kva drama skjedde i Settemsbukta i august 1879?

Ein treng ikkje leite opp og bla fysisk i kyrkjebøkene – dei er (stort sett) på nett.

Også denne søndagen er det kaffe og ymse anna å få kjøpt på Bøfjorden Sjøbruksmuseum før og etter foredraget.

historie bøfjorden sjøbruksmuseum surnadalsnytt bøfjorden historielag nyheter
Powered by Labrador CMS