Det dreier seg om leire

Rindal Kunstlag opna onsdag ettermiddag årets førjulsutstilling hos 3 Venner. Det var Kathrine Elverum frå Markabygda i Skogn som hadde med seg sin produsjon av keramikk for salg og "fryd for øyet!" Her såg vi resultat av mange dagars arbeid, for Dreieriet Keramikk er ei einpersonsbedrift.

Ole Trygve Foseide Ole Trygve Foseide

Publisert 05.11.2026 - 08:40

Kunstnaren Kathrine Elverum presenteres av Mie Sandø. — Ledaren i Rindal Kunstlag, Mie Sandø, presenterte kunstnaren Kathrine Elverum for publikum.

Kathrine Elverum har drive Dreieriet Keramikk i 20 år. I tillegg til produksjon, driv ho også kursvirksomhet.

Elverum presenterer utstillinga — Kathrine Elverum fortalte om utstillinga, produksjonen og Dreieriet Keramikk.

Elverum med strikkavottar med rindalsmønster — Som takk for utstillinga fekk Kathrine Elverum med seg eit par varme rindalsvottar.

Alt ho produserer er laga for hand. Med dreiing må du beherske leira og bevegelegheita på den roterande dreieskiva.

- Dei største krukkene blir starta med dreiing og påbygd med leirpølser oppover og glatta ut etterpå, forklarer ho.

Med brenning og glasur får ho fram dei fargane ho ønsker. Vi ser at ho held seg til duse, lyse og mjuke fargar.

Forma må også vere funksjonell. Krukker og vasar er ustyr som har vore bruka langt bakover i historia.

Produkta blir brent både to og tre gonger ved opp til 1240 grader. Det tek tid. Vi håper resultatet oftast blir vellukka.

Annonse

ANNONSE:

Førjulsutstillinga på 3 Venner var open onsdag kl. 18.00 til 22.00.
Torsdag, fredag og lørdag er utstillinga open kl. 11.00 - 16.00.

Dette er ei salgsutstilling, og du får ta med deg det du kjøper. Dermed minkar utstillinga for kvar time. Fleire kjøpte med seg fine produkt alt like etter opninga!