Trollheimsløpet 2023

Vinnaren, Henrik Marius Laukli, flankert av nr. 2 Helge Langen og nr. 3 Erik Løfald.

Foto: Ole Trygve Foseide

Vinnaren sprang barneskoa sine i Surnadal

Søndag gjekk årets Trollheimsløp av stabelen med start og mål ved fotballstadion i Rindal sentrum. Vinnar i seniorklassen vart Henrik Marius Laukli frå Strindheim IL 17 sek før Helge Langen frå Rindal IL med Erik Løfald, også Rindal IL, på tredjeplass.

Publisert 11.06.2023 - 23:47

Henrik Marieus Laukvik budde i Surnadal nokre år i barndommen.
– Det var nok der grunnlaget for løpinga vart lagt, spøkte han! Blant publikum var det folk som hugsa at mor hans var innom Rindal som fysioterapeut.

Nokon har også merka seg namnet Laukvik i samband med skiidrett. Sophie Laukvik deltok mellom anna i OL for USA i Peking 2022 og tok ein 3.plass i "monsterbakken" under siste vinters Tour de Ski.

Henrik fortel at han skal møte henne under eit fjelløp i Sveits i august i år!

I kvinneklassen var Mali Eidnes Bakken, Rindal IL, klart best.

I dei yngre klassane var det få deltakarar, men sterk innsats!

Eirik Sæther Fossum var eigentleg på besøk hos bestemor i Surnadal. Han stilte som einaste deltakar i yngste klasse og gjennomførte løpet sitt med fin fart og stil.

Annonse

Løparar som utveksler erfaringar — Mingling

Laukvik og PerJarle Bolme — Kunnskapsrik og informativ speaker Per Jarle Bolme intervjuer vinnaren.

Gøril Bakken og Helge Sæther, trimklassen — To av dei 45 trimmarane som tok seg gjennom ein av rundane i godveret, Gøril Bakken og Helge Sæther.

Rindal ILs Magnus Øyen stilte ikkje på Trollheimsløpet. Han var heilt utlada etter innsatsen tidlegare i veka. Etter 5 timars biltur til Jessheim torsdag, sette han både personleg rekord og klubbrekord på 1500 m om kvelden. Så var det 5 timars biltur heim utan søvn, i seng i 5-tida og skule på fredag. Ei treningsøkt på lørdag i tillegg, sa han at det var nok for denne veka.