Elvepromenaden i Rindal
Vann premie på romjulsturen
Elvepromenaden langs elva frå Sunna til Bolme er ein svært populær tursti i Rindal. Ein aktiv gjeng held den vedlike med slått og rydding om sommaren. No om vinteren er det kjørt med snøskuter frå Sunna til Rinnvollen, og returen til Sunna kan gå etter gangvegen ved Fv65 både sommar og vinter.
Mange brukar denne til gåturar mesta kvar dag heile året. Gapahuken nær Rinnosen er populær kvileplass, og der er det plassert ei turbok.
Denne onsdagen kunne kaffegjengen på YX Rindal vere vitne til den årlege trekninga av premie mellom dei som har skrive namna sine i trimboka - eller trimbøkene.
Før året 2023 var omme, vart det fire bøker og 3125 namn i bøkene, enda mange ikkje skriv seg inn kvar gong!
Da boka var klar, ba Per Skjølsvold om at Asbjørn Kjelås som sat ved eit av dei andre borda om å seie eit tal mellom 1 og 175 og slik velge ut vinnaren.
Jammen var det ikkje Asbjørn som vann årets premie. Han hadde gått to turar etter Elvepromenaden i romjula, og vart svært fornøgd med utbyttet av dei turane.
Kanskje nokon av dokk har som nyttårsforsett å gå meir på tur? Da kan vi anbefale Elvepromenaden i Rindal!
