Reisebrev frå veteran-VM i hopp, Planica 2026

Her kjem eit aldri så lite reisebrev frå VM i hopp for eldre ungdom, eller veteran-VM som det òg kallas. Det blei arrangert i Planica, som kanskje har det flottaste hoppanlegget i verda, og har pr. no verdensrekorden i skiflyging. Veteran-VM har vore arrangert sidan 1990, kvart år både sommar og vinter. Dessverre har antal deltagarar gått ned betrakteleg på desse åra. Før kunne det være fleire hundre eldre ungdom som deltok, medan no er det rundt 60... Dei aller fleste frå Noreg. Vi får håpa på betre rekrutering i åra framover!

Reisefølgje på seks frå Trøndelag kom fram til Planica sundagskvelden, fem dagar før første konkurranse, så det blei god tid til både treningshopping og sightseeing. Vèret var strålande med sol og rundt 30 grader, så det var ikkje særskilt behageleg å gå rundt i hoppdress og hjelm… Men vi fekk gjort nokre hopp av varierande kvalitet før tevlinga starta. Men det viktagste på desse turane er ikkje nødvendigvis lang-hopping, for god mat og drikke i sosiale lag tel vel så mykje! Og det vart det mykje av!

Torsdag vart det såpass med regn-vèr at vi tok oss ein biltur til Kranj, ein liten times tur frå, Kranjska Gora. Der besøkte vi fabrikken til ski- og bindingsprodusenten Slatnar. Der fekk vi handla oss litt delar til binding og ski. Etterpå fòr vi til syfabrikken kor dei syr hoppdressar, og både Frode, Jan Willy og Rolf fekk sydd nye dressar! Og det var sjølvaste verdenmester Peter Prevc som tok mål av gutane! Artig oppleving! Dressane vart levert i bakken dagen etter! God service!

Seinare samme dag hadde været letna, og vi tok ein biltur til Tarvisio i Italia og køyrde fjellvegen derifrå tilbake til Kranjska Gora. Det var ein fantastisk tur opp fjellsida med over femti hårnålssvingar og høgste punktet låg på rundt 1700 m.o.h! Imponerende veg-standard og mektig natur! Turen anbefalast!

I konkurransane hoppas det i tre forskjellige bakkar, 45-meter, 60-meter og 90-metersbakke og kvar deltakar for velgje to bakkar å delta i. Vi valgte å delta i dei to minste bakkane, då vi tykkjer at 90-meteren er største laget! Enno… Kanskje seinare eingong! Det var fire av oss i reisefølgje som skulle delta; underteikna i klassen 50-59år, Stig Viken, 50-59 år, Frode Hermo, 65-69år og eldstemann i VM, Jan Willy Oskal hoppet i klassen 80- 90 år(!) Rolf Markussen var òg med og skulle eigentleg hoppa i same klasse som Jan Willy, men ein skade satte han på sidelinja denne gongen. Kona til Frode, Marianne, som er sykepleier, var til god hjelp når vi trong råd og tips til pleie av såre knær og krokete ryggar.

Når det gjeld medaljefangst, vart det magert for underteikna, men Stig fikk både sølv og bronse, Frode fikk bronse, og Jan Willy fikk to sølv, så vi var godt fornøgd med innsatsen. Ikkje minst berre for å ikkje å ha skada oss på nokon måte! Ein seier i seg sjølv, det!

No er det berre å leggja seg i hardtrening til neste VM!

Med beste helsing
Karstein Mauset
Rindal Flygarlag