![Juleevangeliet vart framført som veksellesing. En prest står og leser sammen med noen barn i et forsamlingshus](https://image.trollheimsporten.no/266867.webp?imageId=266867&x=0.00&y=0.00&cropw=100.00&croph=100.00&width=960&height=664&format=jpg)
Advent på grendahuset
Søndagens årvisse adventsgudsteneste på Nordvik forsamlingshus vart ei vakker stund i førejulstida.
Mange unge medliturgar var saman med prest Torbjørn Brøske. Dei las dikt, bibeltekster og bøner og tente dei tre adventslysa som hører dagen til.
I preika sa presten at det var godt Jesus kom som vår lillebror og ikkje var ein sterk, farleg «storebror».
![Torbjørn prest skildra Jesus som vår gode lillebror. En prest som står foran en forsamling i et julepyntet forsamlingshus.](https://image.trollheimsporten.no/266871.webp?imageId=266871&x=0.00&y=0.00&cropw=100.00&croph=100.00&width=960&height=624&format=jpg)
Torbjørn sette også julebodskapen i kontrast til det som no skjer i området vi hører om i jula. For første gong sidan 300-talet er no eldste kyrkja i verda, Fødselskyrkja i Betlehem, stengt – som følgje av krig og hat.
På forsamlingshuset tona det friskt frå dei frammøtte: «Nå tennes tusen julelys», «Kling no klokka» og andre songar som høyrer tida til.
Det er verdt å merke seg at grendene inviterer til slike samlingar. Nordvik Grendalag er flinke til å skapa hygge og stemning i det 112 år gamle forsamlingshuset sitt.
Saman med soknerådet sørga dei også for kos ved kaffebordet etter gudstenesta.
![Unge nordvikgardingar las tekster og tente adventslys. Flere barn som tenner adventslys i et forsamlingshus.](https://image.trollheimsporten.no/266873.webp?imageId=266873&x=0.00&y=0.00&cropw=100.00&croph=100.00&width=960&height=644&format=jpg)
![Hovudaktørane samla etter den fine gudstenesta. Vel fortent applaus! En prest som står sammen med flere barn.](https://image.trollheimsporten.no/266875.webp?imageId=266875&x=0.00&y=0.00&cropw=100.00&croph=100.00&width=960&height=672&format=jpg)