Sesongåpning på Brukt og Bakels
På Landsemholtå i Rindal finn du "Brukt og Bakels"
"Brukt og Bakels" er ein bruktmarknad med sporadisk åpningstid om sommaren. Sesongåpninga er derimot ein storslagen happening med Thai-mat og konsert med godt utvalg av artistar. Butikkdama Marit Landsem har gode kontakter. Det ser ein både av artistlista og publikum som kom både frå Molde og innafrå Trøndelagsbygdene
Åpninga i år var seinare enn vanleg, men det har knapt vore fleire besøkande nokon gong! For ein som er frå nabolaget, så er det ekstra triveleg å sjå så mykje folk som ein ikkje kjenner!
Det var gratis parkering, gratis inngang og gratis konsert, men det var kø ved matsalg . Mange fekk også kjøpt med seg spennande ting frå brukthyllene og borda i bua og garasjen.
Høgdepuntet åpningsdagen er sjølvsagt konserten. Med Ola-huken som scenebakgrunn stilte dei opp i tur og orden.
Førstemann var trubaduren Harry Simonsen frå Selbu. Han presenterte kjente viser, også trønderviser, men sin mørke, varme stemme.
Ragnar Kjøsen Band var ei gruppe frå Hølonda. Gruppa består av Ragnar Kjøsen, Anders Bolland, Johan Landsem Solem, Jørgen Raphaug Teksten og Jens Bonesvoll. Dei er akkurat ute med første låt på Spotify. Stemmen til Ragnar Kjøsen får vi høre meir til!
Neste par ut bar etternamnet Sundli, først Leo solo, så Viljar - også solo med tonefølgje av Leo. Leo har opptrådd på Landsemgarda frå han var 3 år. Under artistnamnet Storm har Leo Davadi Sundli opptrådd både i norsk TV og på europeiske scener.
Annonse
Dei eldste slapp til sist: Past Masters: Ingebrigt Landsem, Reidar Løfaldli, Magne Lillegård og Lars Landsem. Med gruppenamnet følger plikta til å presentere Beatles-låter. Det gjorde dei til fulle.
Dermed er sesongen åpna på "Brukt og Bakels". Åpningstider blir annonsert på Facebook og truleg på Trollheimsporten!
.44545
.Her Og her får man høre en smakebit fra Ragnar Kjøsen Band, med sangen "Har så mye på hjertet":
