Mykje talent og idrettsglede i bakken under Sæterliarennet

Laurdag gjekk første del av Sæterliarennet av stabelen, og det vart konkurrert i klassane U12,U14 og U16. Rennet er eit kretsrenn i Sør-Trøndelag skikrets, som i tillegg til Surnadal IL alpin, består av Oppdal alpin og Freidig Alpin. Heile 89 deltakarar var påmeldt til slalomrennet på laurdag. Søndag var det klar for storslalom for dei same klassane, og i tillegg var det superslalom for klassen U10 og yngre, kor det var heile 49 påmeldte. Dei eldste klassane køyrde frå to ulike punkt i Jopilen, med målgang nedom mast sju.

Sæterliarennet er eit stort idrettsarrengement og ein sosial happening med mykje trivsel utanom løypene også. Laurdag kveld var meir enn 130 samla til tacokveld på hotellet, og i bakken blir det tid til bakelseting, kaffepausar og skravling.

U10 og yngre hadde søndag fått stukke løype lenger ned i trassen og hadde målgang ved heisen. Og sjølv om dagen var våt og grå, var det ikkje noko å utsette på innsatsen.

Sæterlia er ein lang og flott trasse, og veldig veleigna til kretsrenn. Snø er absolutt must for å arrangere skirenn, og snøfallet i forkant var veldig raust. Det gjorde det ekstra utfordrande å førebu renn, og det var stille i Sæterlia berre mellom 02.00 og 06.00 natt til laurdag.

Eit så stort arrangement er ein kjempedugnad gjennomført av frivillige. Her var det mage foreldre og besteforeldre i sving for at det skulle gå mest muleg på skinner. Her trongst det folk til å stikke løyper, holde orden på løyper, startarar, kioskvakter, kakebakarar, bakelssteikarar, grautkokarar tidtakarar, portvakter, speakers og mange andre oppgåver. Det gjekk som eit velsmurt maskineri. Vel blåst!

Bildeserie (Trykk på piltastene for mange flotte bilder)

Resultater:

U12-U16