Dei eldste heia fram dei yngste

Laurdag vart andre del av klubbmeisterskapet til Surnadal IL alpint arrangerert i Sæterlia. Med påskeferie og strålande sol kunne ikkje rammene vore flottare. Først konkurerte dei eldste klassane U12, U14 og U16, i både slalom og storslalom, medan dei yngste heia på dei. Siste konkurranse var superslalom for U8 og U10, med heiarop frå dei eldste med flagg og bjeller.

Det er viktig å ha fokus på idrettsglede og deltaking, så dei yngste klassane har ikkje tidtaking og rangering. Alle er vinnarar, og terkelen for å delta skal vere låg. Yngste klassen er U8, men her i klubben deltek det ungar som er mykje yngre enn åtte. Yngste deltakar i dag var fødd i 2021.

Trollheimsporten har følgd alpingruppa gjennom sesongen, og det har vore mykje imponerande resultat. Det som likevel er aller mest imponerande, er kor velsmurt arrangementa går, kor god stemning det er, og kor godt samahld det er mellom utøvarane. Det er alltid mykje latter og oppmuntring i køa på startstreken. Og skuffkakene er alltid på plass til stor glede for alle.

For resultat og fleire bilde, trykk på pilene: