Inviterer til julefeiring for alle på Hammerstuene

Fjorårets arrangement på Hammerstuene samla godt over sytti gjestar i alderen 3 til 90 år, og arrangementet har fått mange gode tilbakemeldingar.  

– Vi legg opp til ei hyggeleg julefeiring med god stemning, seier dei seks damene frå Surnadal Røde kors, som fredag ettermiddag møtte pressa.  

– Arrangementet er rusfritt og familievennleg, legg dei til.  

Stor takk til Hammerstuene og Martha 

– Vi vil rette ein stor takk til Hammerstuene, med Martha Torvik og hennar stab, som også i år opnar dørene, pyntar og lagar mat for å lage ei skikkeleg fin julefeiring, seier damene.   

– Utan Martha og hennar stab hadde det ikkje vore mogleg å arrangere dette, konstaterer dei.  

Tradisjonell norsk julemat på menyen og julegåve til dei unge 

– Det blir også i år servert tradisjonell norsk julemat med kaffe og dessert, fortel Elsa Kvande, leiar i Surnadal Røde kors.  

– Alle barn og unge under 18 år får i tillegg ei julegåve, legg ho til.  

God støtte frå SpareBank 1 SMN 

Årets arrangement, har som i fjor, fått økonomisk støtte frå SpareBank 1 SMN sitt prosjekt Julehjerte, midlar som gjer det mogleg også å ha eit arrangement for bebuarane på sjukeheimen.  

ANNONSE:

Gleda med å glede andre er drivkrafta 

På spørsmålet om kva som er drivkrafta for å arrangere eit slikt arrangement på sjølvaste julaftan, svarer damene kontant og bestemt: Det er å sjå at andre blir glade og fornøgde, det er drivkrafta for oss som driv med frivillige arbeid! 

– Vi håper mange kjem og blir med oss på julefeiring også i år, avsluttar damene i Surnadal Røde kors.  

ANNONSE: