Surnadal kommune melder:

Arbeidsgjevarar må søke om godkjenning av innkvartering for innreisekarantene

Innkvarteringa som arbeids- og oppdragsgjevarar stiller til disposisjon for utanlandske arbeidstakarar i innreisekarantene, må heretter førehandsgodkjennast av Arbeidstilsynet.

Publisert

Må få innkvarteringa godkjent på førehand

Arbeidsgjevarar kan tilby godkjent innkvartering for innreisekarantene på to måtar:

  • Hovudregelen er å innlosjere utanlandske arbeidstakarar på eit godkjent karantenehotell straks dei kjem til norskegrensa.
  • Alternativet er å få godkjent innkvarteringa av Arbeidstilsynet.

Arbeidstilsynet melder i ei pressemelding 19. februar at ordninga er eit tiltak for å begrense koronasmitte i arbeidslivet. Les pressemeldinga her.

Det er nok å søke om godkjenning ein gong. Godkjenninga opphøyrer dersom det ved tilsyn blir avdekka at lokalitetane ikkje oppfyller krava for egna opphaldsstad ved innreisekarantene.

Søknadsskjema

Det vil bli muleg å søke om godkjenning frå måndag 22. februar 2021 kl. 12.00. Søknadsskjema og meir informasjon finn du på Arbeidstilsynet sine nettsider.

Saka er henta frå Surnadal kommune si heimeside.

nyheter surnadal kommune surnadalsnytt korona
Powered by Labrador CMS