Med biskopens brev:
Ny diakoniarbeidar
Gunhild Bøklep Bøe er tilsett som diakoniarbeidar for kyrkja i Heim kommune.
Under søndagens gudsteneste i Valsøyfjord kyrkje vart ho presentert i stillinga. Medlem av Halsa og Valsøyfjord sokneråd, Ragnhild Liabø Fjeldstad, las det høgtidelege innsettingsbrevet frå Nidaros-biskop Herborg Finnset.
Den nye arbeidaren var sjøl tekstlesar i gudstenesta, som vart leia av prest Slavisa Josifovic. Soknets konfirmantar deltok med prosesjon og lystenning, og lille Kristian vart døypt. Etter ein kaffepause hadde konfirmantane ei god undervisningsøkt i kyrkjerommet.
Gunhild Bøklep Bøe bur i Bøfjorden og har dei siste åra undervist på Surnadal vidaregåande skule.
