Bagasjen fylt med nye erfaringar og edelt metall

Søndagen er prega av mykje kraft. Juniorane går sparring, det er spesialteknikk i knusing, og bra showfaktor med lagsparring og lagmønster. Ulrik Akrim og Heidi Fiske vann klassane sine i sparring, og vart med det landsmeister og noregsmeister. Nye gullmedaljar i samlinga.

Daniel Mørch Paradina og Råg Dyrnesh Schei deltok i lagsparring  for region nord-vest og kom på fjerdeplass. Aurora Dønheim Berle representerte region vest i både lagsparring og lagmønster, utan at det vart pallplassering denne gongen. Surnadal vart den niande beste klubben av 57. Det er ikkje verst! Gratulerer til alle med gode plasseringar og fantastisk innsats!!