Oppstart av verneplanprosess for Bøkleppen naturreservat

Melding om oppstart av verneområde for skog i Fjord og Surnadal kommunar

Statsforvaltaren i Møre og Romsdal melder om oppstart av verneplanprosess for to nye naturreservat i fylket, i tråd med Naturmangfaldlova § 42.

Eit av skogsområda ligg ved Dyrkorn i Fjord kommune og er kalla Bjørkneset naturreservat. Det andre er kalla Bøkleppen naturreservat, og ligg i Surnadal kommune. 

Områda ligg på privat grunn og er tilbydd etter ordninga med frivillig vern av skog.

Føremålet med vernet er å ta vare på biologisk verdfulle skogsmiljø og sikre dei for framtidige generasjonar. I desse områda er det naturverdiar knytt til frisk rik edellauvskog og kalk- og lågurtfuruskog.

I naturreservat er det forbod mot alle inngrep som kan endre naturmiljøet.

Vidare prosess

No i oppstartsfasen er det ønskeleg å få mest mogleg kunnskap og informasjon om bruken av området, samt kulturverdiar og anna som kan vere aktuelt å ta omsyn til ved utarbeiding av eit endeleg verneplanframlegg.

Innspel og merknader til denne oppstartsmeldinga kan sendast Statsforvaltaren i Møre og Romsdal. Les meir på nettsidene til Statsforvaltaren i Møre og Romsdal.