Frilufts­gudsteneste på Røstasetra

Søndag kl 12 er det klart for gudsteneste på Røstasetra i Vindøldalen. Dette er ein lang og god tradisjon, og lokalkyrkja er takksam for den gode tilrettelegginga vertsfolket gjer. Det er ferietid og forrettande prest er Torbjørn Brøske. Nyutdanna prest Sylviane Jacques Denis vert også med, og det er ho som skal halde preika. Sylviane vikarierer i Surnadal denne sommaren. Ved orgelet/pianoet tenestegjer Magnhild Frydenlund Brøske. Ho er sommarvikar som organist i kommunen i sommar. Det vert barnedåp i gudstenesta.

Etter gudstenesta vert det servering og tid for hyggeleg samvær. Mo sokneråd ønskjer alle velkomne til Røstasetra