Fyldig markering:

To personer står foran en kirke og holder en plakat ved siden av en stor lykt og en hvit beholder.
Vi byr på både historie, kaffe og konsertprogram, lovar songsolist Turid Røen Kroknes og korbassist Arne G. Fiske.

Jubilerer med Jonsvaka

Når Åsskard kyrkje for 43. gong feirar midtsommar med Jonsvaka tysdag, er det som fyldig markering av 150-årsjubileet for kyrkja.

Bernt G. Bøe, for Prosjekt 17 Bernt G. Bøe, for Prosjekt 17 INNSENDT BIDRAG
Publisert

Jonsvaka (jensuku) var tidebøna kvelden før minnedagen for døyparen Johannes 24. juni (St. Hans). Dette var kyrkjehøgtid fram til reformen i 1770. Både før og seinare har kvelden vore stor folkefest - med symbolmetta bålbrenning.

Frå 1982 har Åsskard feira kulturkveld med konsert på denne tida. Da har kåseri, sosialt samver og konsert med kor og orkester vore regelen.

Svart-hvitt kollasj med en historisk figurtegning og to portretter av eldre menn.
«Landkjenning» av Grieg og Bjørnson skildrar på gripande vis Olav Tryggvasons misjonsreise over Nordsjøen år 995.

Kåseri med innlagt drama

Programmet på årets jonsokkveld tek først for seg 150 levande år, notid og fortid, i kyrkjesoknet. Biletkåseri med innfletta tablå viser hendingar og profilar. Sponsoren bak kyrkjeklokkene «dukkar» opp. Og dramatiseringa av «Mødres Kirkegang» kan bli eit scoop for både auge, ører, foto og video! Sceneaktørar er Syver Vetleseter Melling, Elise Hyldbakk og eks-Halsaprest Erik Blomstrøm.

Kor synger i en kirke mens en pianist sitter ved flygelet foran sangerne.
Prosjekt 17 øver Folketonemesse og Hallelujakor til Jonsvaka.

Klassisk og nylaga musikk

Koret Prosjekt 17, med solist og kammerorkester, står for jubileumskonserten etter den innlagde kaffepausen. Korets filosofi er å formidle klassisk og folkeleg musikk. Bach, Grieg, Mendelssohn og Handel blir å høre. Og Griegs mektige «Landkjenning» er som skapt for eit kyrkjejubileum!

To menn sitter ved et kirkebenk i en kirke med bilder, lys og en åpen bok foran dem.
Ny messe bygd på lokale folketonar blir urframført, seier korleiar Bernt Bøe (t.v.) og kortenor Kristian Settem. Melodikjelder i glas og ramme er Kristian Aasgaard og Lars Gravvold.

Ei fersk «Folketonemesse frå Åsskard» blir urframført. Her syng koret nyskrivne liturgeledd akkomapgnert av salmetonar etter klokkar Kristian Aasgaard og slåttemusikk frå fjellgarden Svorka.

I kammerorkesteret spelar Tove Elin Strand fløyte, Ebba Ringmar obo, Odd Sonntag og Elisabet Husby fiolin, Anna Ostachowska bratsj og Mareit Aspås cello.

-

ANNONSE:

Blå plakat for Jonsvaka 2026 med bilder av kor, personer og tekst om konsert, foredrag og lokale innslag.
surnadalsnytt kyrkja i surnadal arrangement åsskard kyrkje nyheter
Powered by Labrador CMS