Kulturskulen inviterte til førjulskaffekonsert og utstilling
Måndag kveld inviterte Kulturskulen i Surnadal og Rindal til førjulskaffekonsert i foajeen på Surnadal Kulturhus, der unge talent imponerte på ulike instrument. Etter konserten opna kunstelevane utstillinga si i Finstuå, med kunst dei har laga gjennom haustsemesteret.
Foajeen fekk besøk av mange foreldre, besteforeldre, søsken og andre musikkinteresserte da kulturskuleelevane inviterte til kaffekonsert. Det vart eit variert og bra program der publikum fekk høyre både kornett, piano, trompet, tuba, slagverk og gitar.
Konserten vart runda av med ein mektig og høgtideleg framføring av «O helga natt», av kulturskulens eigne songlærar Sigmund Aasjord.
Etter konserten vart Finstuå opna av kunstelevane frå kulturskulen. Her kunne ein sjå eit rikt spenn av uttrykk og teknikkar, alt frå måleri og teikningar til keramikk og andre kreative arbeid som elevane har jobba med dette semesteret.
