Laurdag i Bøfjordhelga:

To barn og en voksen ved vannkanten med plastkasser, brosjyrer og et skilt for miniatyrakvarium.
«Fjurrubingo» var nytt og artig, tykte Lennox og Felix. Gunnhild Vetleseter Bøe var instruktør.

Folksamt på Bølandet

Sjeldan har fleire befolka Bølandet enn på laurdagen i Bøfjordhelga. Aktørar og publikum fann kvarandre.

Bernt G. Bøe Bernt G. Bøe INNSENDT BIDRAG
Publisert

Ei imponerande samling veterankjørety var første blikkfang. Bobler og dollarglis, Landrovers og tohjulingar (med og utan sidevogn) løfta nostalgien til store høgder. Blikkenslager Gjerstads 1937-modell Chevrolet var vel eldst. - Eg kjøpte den frå Amerika i 2004, fortel eigaren - som med sin fagkunnskap har flikka mykje på klenodiet. - Men alt ytre er originalt!

Samtidig med opninga på Bølandet var det også livleg på Gammelskulen Loppis - der Elisif Sæthervik har skapt ein fin arena og alltid byr på gode kjøp.

Hvite og røde veteranske biler står parkert på en grusplass ved en bygning på landsbygda.
Imponerande mønstring av veterankjørety attmed nyfjøset i Søgarden.
Lyseblå klassisk bil parkert på grus med en rød bil bak.
Denne Chevrolet 1937 tilhører blikkenslager Gjeldnes.

Riding, kunst og fiskesuppe

På Børeiten fekk ungane ri hest - med trygg assistanse av Marita Petersen. 

Kunstnaren Inga Dalsegg hadde stor og variert kunstutstilling på Kveldheim. - Fint lokale, trivelege folk og riktig bra salg, sa ho - som også var her på fjorårets Bøfjordhelg. 

Arrangør Bøfjorden Historielag fekk mykje ros for fiskesuppa som var i salg på Kveldheim. - Den gjekk unna på høgkant, kunne kokke og kasserar May Iren Dønheim Hovde bekrefte.

Et barn rir på en lys hest som spiser gress ved en grusvei.
Augusta kosar seg på ryggen til Kiros.
En kvinne står ved et bord med malerier, kort og kunsthåndverk i en lys stue.
Kunstnar Inga Dalsegg var godt fornøgd med opplegg og salg på Kveldheim.

Fjurubingo, men tørrlagt «Elias»

Populært blant dei yngste var fjurubingo - med spennande liv og mangt å lære i strandkanten.

Eit skår i gleda var det derimot at båten «Elias» ikkje kunne sjøsettast på grunn av skade. Lars Midtsand frå Redningsselskapet hjelpte likevel mange ombord i båten og gav nyttige råd om sjøvett og bruk av redningsutstyr.

En mann står ved en liten båt, mens et barn i redningsvest sitter oppi båten med fjell og vann bak.
«Elias» var skadd og måtte stå på land. Men «kaptein» Lars Midtsand sørga for at dei yngste fekk mønstre på likevel.

Kunst, kvartill og kaffe ved Saga

Attmed Saga stilte Eli Orset ut av sin biletkunst. Ho har også laga helga sitt utlodningsverk - «Urørt». 

Fjærli Tønnefabrikk, einaste aktive bøkkerverksted i vid omkrets, hadde eigen stand. - Vi sender tønneprodukt rundt heile landet, sa Tor Fjærli. - Kjekt å få vise oss fram, og bra salg her, la han til.

Bra salg hadde også Saga Kafe. Det vil seie Aud Jorunn Endesen, Torbjørg Settem og Inger Lise Heggem frå Bygdekvinnelaget, som på typisk dugnadsvis støtta historielaget med salg av kaffe og godsaker.

Mennesker står ved bord med trekrus og ølkrus foran en rød låve på landet.
God reklame og bra salg på en triveleg dag, sa områdets einaste tønnemakar, Tor Fjærli.
Personer står rundt et piknikbord med brett, drikke og snacks på en gresslette i en park.
Med tilpassa firmanamn Saga Kafe serverte Inger Lise og Aud Jorunn kaffe, bakels og mykje anna godt.

Laurdagen munna ut i pubkveld på Buakaia.

bøfjorden bøfjordhelga surnadalsnytt nyheter arrangement
Powered by Labrador CMS