Kulturvøkku 2022
"Berre fine sanger" avslutta Kulturvøkku 2022
Kulturvøkku 2022 i Rindal vart avslutta søndag kveld med kyrkjekonsert i mesta fullsett Rindal kirke til konsert med songaren Stephen Brandt-Hansen og kantor Bjørn Vevang ved orgel og flygel.
Vi fekk ein gnistrande konsert på mesta halvannan time, mest med Brandt -Hansen, men også reine instrumentalnummer ved Vevang, som for anledninga brukte sitt eige 4-manualers elektroniske orgel. Da kunne han lett bytte instrument, og han presterte til og med å spele med ei hand på kvart av instrumenta!
Programmet varierte frå Bach til Bremnes, og vi fekk smurt øyrene våre varme med Sommerro/Hyldbakks Vårsøg på italiensk, og vi fekk delta med hallelujarøystene våre i Leonard Cohens Halleluja!
Eit av høgdepunkta var da Anne, maken til Bjørn Vevang, fekk høre You raise me up som helsing på fødselsdagen sin.
Eit smilande publikum gjekk heim i sommarkvelden etter å ha applaudert framføringa til musikarane og fått både eitt og to ekstranummer!
