Advent og lysmesse

Søndag startar adventstida med fin markering i Åsskard-kyrkja: Da er det lysmesse for små og store klokka 4.

Dei yngste er inviterte hovudpersonar. Aldersgruppa 4-7 år får utdelt Mi Kyrkjebok og 10-11-åringane får kvar sin bibel. Pandemien hindra utdeling i fjor, så det blir dobbelsamling i år!

Prest Cathrine Grutle, musikar Ronny Kjøsen, klokkar Randi Bøe og konfirmantar deltek i liturgien. Blant anna tenner lys og framfører tekster som peikar fram mot jula – ein flott måte å starte adventstida på.

Førre torsdag var det Barnas Kyrkjekveld i Åsskard. Da fekk ungane synge, gå på skattejakt etter gjømte bibelord og tenne lys i globen - for kvarandre og for nokon vi tenkjer på. Trusopplærar Elsa Jensvold minte om kvifor vi har både kyrkje, bibel og kristne barnesongar. Dette var ei førebuing til lysmessa.