Høgaktuelt på kinoen

Begge filmane vart via stor og velfortent plass i media sist helg; og sjølv den danske oscarvinnaren har eit norsk utgangspunkt: nemleg psykiater Finn Skårderuds noko omtrentlege formulering om at vi alle er fødd med ein manko på ein halv promille i blodet.

I «Et glass til» bestemmer fire lærarar seg til å teste ut denne teorien for å sjå om liv og karriere går betre med konstant å ha denne halve promillen med alkohol. Og det verkar lovande – i alle fall til å begynne med. «Berusende godt om fyll på godt og vondt», skreiv Adressa, om filmen som fekk Oscar som beste internasjonale film denne veka.

I dokumentaren «Generasjon Utøya» møter vi fire av dei som var der under den tragiske hendinga ti år tilbake – og som ikkje har gjeve opp sitt politiske engasjement. Sterkt nordmørsinnslag i filmen, representert ved regissør Aslaug Holm og to av dei medverkande; Line Hoem og Ina Rangøynes Libak. «Rørende og forfriskende om Utøya-overlevende», oppsummerte Dagbladet.

Merk at det også blir vist «full pakke» tysdag, og heile kinoprogrammet finn du ved å gå inn på www.surnadal-kulturhus.no/program/