Annonse
Sildballfestivalen 2024
Det går i ball i Rindal
Det gjekk i ball både ute og inne i Rindal denne laurdagen. Gardbrukarane pakka rundball og i Rindalshuset serverte Rindal IL sildball, for dette var årets Sildballfestival, den 15. i rekka.
Etter idé frå Oddbjørn Heggem har Rindal IL no arrangert Sildballfestival i 15 år med variert innhald, men eit skikkeleg måltid med sildball og tilbehør har alltid vore hovudsaka.
I år var programmet begrensa til sildballmåltid, i den grad vi kan snakke om begrensning når det gjeld sildball. 10-15 hundre sildballar vart trilla ut.
Besøket var bra, og første timen gjekk det ut rundt hundre porsjonar. Seinare dabba salget litt av. Ein aktiv dugnadsgjeng sørga for at køen ved matbordet var minimal.
Rundt borda sat det etter kvart sildballelskarar både frå Rindal og nabobygdene.
Praten gjekk livleg, og alle ser nok fram til neste sildballfestival, ikkje minst for å nyte eit godt måltid i fellesskap med andre enn dei som eit et med til kvardags.
.
