Todalen og Stangvik Oppvekstsenter
Adventskveld skapte julestemning i gymsalen
Alle elevane på Todalen og Stangvik Oppvekstsenter har den siste tida øvd til adventskveld og forestilling med både dans, song og skodespel. Torsdag kveld vart gymsalen fylt opp med foreldre og søsken.
Det var mange spente elevar og familiar før kvelden starta. Konferansierane Endre og Lars Ailo leia oss gjennom kvelden. 1. og 2. klasse var først ut med sin dans til songen Engler i Sne. 3. og 4. klasse framførte songane I Morgen, frå filmen Annie, og Vi tenner våre lykter.
Til slutt var det mellomtrinnet sin tur. 5. klasse framførte skodespel frå det ukrainske eventyret "Skinnvotten". 6. og 7. klasse fortalte heile verdshistoria på 5 minutt på ein humoristisk måte. Dei song også Heim te Jul av Skei og PT, før dei avslutta med ei julelåt nokre elevar i 7. klasse har laga sjølv på låtskrivarverkstad. Namnet på låta var Slitsomt med jul.
Til slutt kom heile skulen på scena og framførte salma Her kommer dine arme små. Etterpå blei det i regi av FAU kaffe- og kakesalg i kantina, etterfulgt av loddtrekning. Dermed var julestemninga kome til Todalen og Stangvik Oppvekstsenter.
