Rindal IL:
Friskt topp-oppgjer
Rindal tok laurdag imot Tynset til kamp i fotballens 4. divisjon på Rinnvollen. Gjestane kjempar heilt i toppen og kunne med seier klatra heilt til topps på tabellen. I kjempefint seinsommarvèr, fekk eit ganske talrikt publikum ein skikkeleg god fotballkamp. Og ikkje utan dramatikk!
Gjestane viste heilt frå starten av at dei er av eit anna kaliber enn dei andra laga som Rindal har møtt i det siste. Dei tok tak i kampen og pressa det kvitkledde heimelaget hardt. Det vart skapt nokre halvsjansar framom heimelagets mål,utan teljande resultat. Det skulle gå vel eit kvarters spel før det verkeleg var fare på ferde. Da fekk Tynset ein ball i nota, men linjedommaren kom opp med flagget og dommaren bles for offside. Frå bladfykens posisjon såg avgjerda noko tvilsam ut, men uansett; Mål vart det ikkje. Omgangen fortsatte med eit visst press frå gjestane, men det ebba ut med 0 – 0 til pause.
Andre omgang starta litt som den første slutta, med bortelaget i førersetet. Det var mange harde duellar og dommartrioen streva med å halde gemyttane nede. Det kan og nevnast at dei svartkledde ikkje hadde ein særs god dag på jobben, og betre vart det ikkje når Tynset fekk , etter linjedommars meining, ein ball over streken og førte gjestane opp leiinga etter ca 55 minuttars spel. Det var for så vidt fortent, men at ballen var over streken, såg noko tvilsamt ut.
Ikkje lenge etter fekk heimelagets Sondre Bolme sitt andre gule kort, og måtte forlate matta. Usikker på kva som utløyste det siste gule, men marsjordre vart det. Heimelaget vart tvugne til å leggja om til tre i forsvarsrekka, og kvikna skikkelg til, sjølv med ein mann mindre og i løpet av siste 10 minuttane av kampen var dei svært nære å utlikne fleire gonger, blant anna eit skot i stonga. Men det ville seg ikkje og gjestane kunne innkassera tre poeng og tabelltopp.
Eit talrikt publikum fekk ein god kamp mellom to gode lag, og heimelaget får skikkeleg godkjent for innsatsen.
Heimelaget stilte med følgjande spelarar:
Anders Grytbakk, Sondre Aune, Sondre Næss Bolme, Edvard Bolme Fjerstad, Jørgen Gjerstad, Geir Bævre, Martin Bolme Fjerstad, Magnar Reitan, Torstein Heggem, Daniel Hagen Eide, Vegard Mogset. Innbyttere: Geir Magne Glåmen, Peder Melien Ree, Steinar Gjeldnes.
