Tur til Innerdalen

I dag skein sola på oss!

Heile 30 opplagte fjellturfolk møttest på Kvennaferja under ein blå himmel, så da vi gikk frå bilane i Viromdalen med mål Renndølsetra i Innerdalen, var stemninga på topp. Trudde vi. For da vi kom fram til setra og såg at vertskapet hadde sett av dei tri beste borda til oss, kjente vi oss som VIP-gjestar der vi benka oss omkring.

Vakrare kulissar enn i Innerdalen finst knapt i landet, og dei stod godt til bakelsa (ja det hette bakels på surndalsk!) med rømme og syltaty og smellgod kaffe som vart servert av blide vertinner.

Verten sjølv, Eystein Opdøl, ga oss ei fin orientering om seterlivet i Innerdalen i farne tider, og om bestefaren Eistein, som sørga for at dalen vart berga for neddemming i den store kraftbyggingstida. Det vil alle seinare slekter vera han takksam for.

Det kom forslag om at vi skal ha ein overnattingstur hit neste år. Den som lever får sjå, men kanskje lysta til ein slik tur heldt oss i gang enno eit år? Ja trur mesta det.

---