Fjellgruppa på tur til Bollknubben

Bollknubben var dagens mål for Fjellgruppa, og da talar vi om den oppom Nordvik. Heile 29 kvinner og menn og ein hund var møtt opp og gjekk i samla følgje i godveret. Heldigvis trekte verstyraren lette skyar framom spissaste sola - vi held varmen godt likevel oppover etter kvart som det vart brattare og brattare.

Heldigvis hadde vi stødige leiarar i Ingrid og Jan, - det er godt å ha med kjentfolk i ukjent lende. Alle kom opp, og rasten på toppen var god og vel fortent, tykte vi. Og alle kom vel ned att, så no er det berre å samle krefter til neste tirsdag - da skal vi til Steinløa!