Bøfjorden historielag

Gudstenesta er førsteprioritet i kyrkja. Her er det godt besøk i Stangvik.

Kyrkjeliv og slikt

Kyrkja spelar ei fargerik og aktiv rolle blant oss. Dette er tema på museet i Bøfjorden søndag.

Bernt G. Bøe / Bøfjorden historielag INNSENDT BIDRAG
Publisert

Med fokusering på stor menighetsaktivitet og seks flotte kyrkjebygg håpar Bøfjorden Historielag å engasjere mange. Ikkje minst ved også å vise ei heilkyrkjeleg bokutstilling.

Spørsmål og svar

- Kven eig kyrkjene? Det veit smårollingane på barnekveldane!

- Brukar kyrkja berre ord? Nei – bodskapen talar i kunstverk, dans, drama, pantomime og musikk.

- Har det skjedd spennande ting i desse kyrkjene? Kom, hør og sjå

Barnekoret Jubilate leia av Oddveig Helset Halle framførte Skippervolds musikkspel «Noahs Ark» i Øye kyrkje i 2004. Tekstlesar Bente Hvam.
Konfirmantane i Stangvik hadde eige band for nokre år sia.
Ungdommer i hvite kjortler med ryggen til i en kirke
Påskejubel uttrykt i bevegelse - av Stangvik Jentekor
Livleg og munter skildring av påskeoppstandelsen: Unge todalingar med Kristian Settem som engel og Einy Elgsæther som gudstenesteleiar.

Bøker

Alle kyrkjene i Surnadal har no eigne bøker. Både kyrkjehus og levande aktivitet blir omtala i kåseriet. Dugnad og samhandling har alltid prega kyrkjelydane. Gripande hendingar og eit frodig persongalleri stig fram frå historia.

: Dugnad kjennetegnar ein aktiv kyrkjelyd. Her har Kari Johanne Aarnes, Randi Vetleseter Bøe, Kjellaug Sollid og Jane Nordstrand Svensli raka lauv attmed Åsskardkyrkja.

Ei lita bokmesse

Utanom biletkåseriet blir det utstilling av gamle biblar og andaktsbøker - heilt frå 1500-talet! Slike skattar finst i mange heimar. Kanskje har du eit bidrag? Velkomen til å ta med kyrkjelege bøker frå eldre og nyare tid! 

Mann holder frem en gammel bok
Arne Chr. Drøpping stiller med denne andaktsboka (postillen) frå 1577!
Freden i 1945 utløyste kyrkjefeiring landet rundt. Her går frakteskuta «Aurora» («Morgenrøden») med unge og gamle til gudsteneste i Stangvika.
Malm frå klokka i stavkyrkja som brann i 1783, skal finnast i storklokka i Stangvik. Her kling altså 600 års kyrkjehistorie! Sølvskeia til høgre («Thyrholm 1763») vart berga unna den nemnte brannen.
Preikestolen i Stangvik har måleri med dei fire evangelistane. Madonnaskulpturen til høgre, Maria med Jesusbarnet, er opprinneleg frå «Skede Kircke» (på Skei) - datert ca 1250, no på museum i Trondheim.

Utvida «kyrkjekaffe»

Kjøkenet har kaffe. Basarbordet (med trekning 14. september) legg stadig «på seg», men har enno plass att. Og arrangøren håpar at «den ganske Menighed» etter søndagens gudsteneste i Åsskard ser si besøkelsestid - gjerne som utvida kyrkjekaffe med bakels, bilete og bøker attåt!

nyheter surnadalsnytt historie bøfjorden historielag bøfjorden sjøbruksmuseum
Powered by Labrador CMS