Tur til Bølia

Vi, 21 pensjonistar, i Fjellgruppa fekk ein kjempefin tur til Bølia fredag 9. juni. Det er 3,5 km til toppvarden, 703 moh. Vergudane var og med oss, så vi fekk sommartemperatur og det fine utsynet i alle retningar!

Vi starta på ein bratt skogsveg frå Orahaugen ved Bøkleppen, som etter kvart gjekk over i ein bratt men god sti. Det gjorde godt med ein matpause på den gamle steterstølen der Øvre Bøsetra har stått.Lettare vart det då vi kom over skoggrensa og landskapet opna seg med vidt utsyn over fjordar,øyer og fjell.

Då vi endeleg nådde toppen, sat vår gode ven Svein Årnes ved toppvarden. Han hadde gått opp frå Flessen. Nokre av oss meiner at denne fjelltoppen hadde fortjent eit litt meir talande namn enn Bølia, for dette bratte fjellet føles ikkje akkurat som ei li..... men flott turmål er det uansett!

Neste turmål er Skarven, 649 moh. Vi startar med å gå frå Seterbøen i Bøverdalen. Vil du vere med, så møt opp på parkeringsplassen nedafor Øye Kyrkje, tysdag 13, juni kl.10.00. Vel møtt til ein triveleg og sosial tur!