Julehopp og juledressur
![Stolte barn fekk sløyfe for gjennomført konkurranse Barn og hester som har fått medalje](https://image.trollheimsporten.no/264477.webp?imageId=264477&x=4.28&y=21.99&cropw=92.00&croph=69.97&width=960&height=548&format=jpg)
Vintermoro på hesteryggen
Barna stråla av glede på det kalde julearrangementet i ridehallen.
I 2001 vart Surnadal og Rindal rideklubb slått
saman til Trollheimen ride- og kjørelag, og i år er det ti år
sidan Trollheimshallen stod ferdig. Søndag var det igjen tid for julearrangement
i hallen
Det var kaldt i hallen, men det stoppa ikkje smila til alle små og store som hadde gleda seg lenge til denne dagen. Leiar for ride- og kjørelaget, Gro Løfaldli, seier at dei gjennomfører julearrangementa for å gi aktivitet for medlemmane, og at det er veldig viktig for rekrutteringa i klubben.
– Da får vi jo med alle disse håpefulle som har gleda seg til dette arrangementet. Her er det lågterskel og rom for alle, seier Løfaldli.
![Juleslipset er på Jente som rir på hest](https://image.trollheimsporten.no/264478.webp?imageId=264478&x=6.23&y=20.24&cropw=88.00&croph=67.14&width=960&height=548&format=jpg)
![Dagens første deltakar klar til start Jente som sitter på hest, og dame som står ved siden av](https://image.trollheimsporten.no/264472.webp?imageId=264472&width=960&height=548&format=jpg)
![Mange av hestane var kledde for julehopp Jente som rir på hest](https://image.trollheimsporten.no/264480.webp?imageId=264480&width=960&height=548&format=jpg)
![Nisselue passar bra til både barn og hest Jente som hopper over hinder med hest](https://image.trollheimsporten.no/264481.webp?imageId=264481&width=960&height=548&format=jpg)
Denne gongen blei det gjennomført konkurranse i klassane bom på bakken, 20 cm og 40 cm, i tillegg var det dressuroppvisning med kvadrilje og to dressurklassar.
Ride- og kjørelaget er svært nøgde etter søndagens arrangement. Dei har fått mykje skryt og gode tilbakemeldingar frå foreldre og barn.
– Det at folk er så flinke til å sette pris på det og gi skryt, gjer at det er stas for oss å arrangere. Det gir ekstra energi for oss som held på med dette, seier Gro.
Gro fortel at dei har bestemt seg for å auke hyppigheita på denne type lågterskel-arrangement. Tidlegare har det vore arrangert to gongar i året, men no vil dei satse på å få det til minst 4 gongar i året.
Etter konkurransane var det loddsalg og kåring av beste kostyme.
Gro Løfaldli og resten av ride- og kjørelaget seier at dei sett pris på dei ivrige ryttarane, aktive foreldra og alle sponsorane som gong på gong stiller med premiar til lotteriet.
![Ariel og ponnien Gullit vann pris for dagens beste kostyme! Jente og hest med julekostyme](https://image.trollheimsporten.no/264510.webp?imageId=264510&x=0.00&y=0.00&cropw=100.00&croph=100.00&width=960&height=1278&format=jpg)
![Barn og hestar får utdelt medalje for innsatsen Voksne og barn og hester i ridehall](https://image.trollheimsporten.no/264473.webp?imageId=264473&x=17.34&y=28.99&cropw=64.00&croph=48.70&width=960&height=548&format=jpg)
![Mange flotte antrekk var å sjå på hesteryggane dame som rir på hest med lang kappe](https://image.trollheimsporten.no/264485.webp?imageId=264485&x=10.86&y=18.20&cropw=80.00&croph=61.04&width=960&height=548&format=jpg)
![Juletreet var satt opp midt i hallen Hest som hopper over hinder med juletre i front](https://image.trollheimsporten.no/264479.webp?imageId=264479&x=1.37&y=18.09&cropw=88.00&croph=67.14&width=960&height=548&format=jpg)
![Store og små var svært nøgde med dagen! mennesker og hester foran juletre i ridehall](https://image.trollheimsporten.no/264483.webp?imageId=264483&x=2.28&y=15.51&cropw=92.00&croph=70.15&width=960&height=548&format=jpg)