Ei dame på prekestolen i ei kirke, med to bøker foran seg.
Klokkar Randi Bøe gled seg til å dele ut «Mi Kyrkjebok» til 4-åringane og håpar mange, små og store, blir med på gudstenesta.

For små og store

Søndagens gudsteneste i Åsskard byd på mykje: Bibelhistorier, kyrkjebok til 4-åringane, mykje song og sending på nett.

Publisert Sist oppdatert

Vidar Rygh er prest og leier samlinga, der det også er nattverd. Takkofferet går til arbeidet i kyrkjelyden.

Alle gudstenester er for unge og vaksne i vår felles storfamilie. Slik vil også konfirmantar delta.

4-åringar var med på barnekvelden nyleg. Søndag får dei «Mi Kyrkjebok» i gåve. Dette er eit ledd i kyrkja si dåpsopplæring.

Boka fortel om Jesus og vennene hans og mykje om kva dei to barna Bo og Nora opplever. Den har bortimot 30 songar, mange forteljingar og viser elles litt om livet i kyrkja Eit aktivitetshefte med artige leikeoppgåver er også med.

Kari er vert i Kyrkjestua og held sikkert ord: Ho har nemleg lova ungane bakels til kaffestunda der!

Gudstenesta blir filma og sendt på kyrkja sitt nett. Linken finn du under Kyrkja i Surnadal.

ANNONSE:

surnadalsnytt arrangement kyrkja i surnadal nyheter gudstjeneste
Powered by Labrador CMS