Engelsk og nordmørsk:

Et gammelt bilde av tre menn.
Jim Musters (t.h.) saman med Simon Fjell og Olav Martin Leirvåg ombord i Shetlands-skuta «Lady» før krigsekspedisjon til Norge i mai 1940.

Fargerike profilar

Skildring av fem sterke personar blir søndagens biletkåseri på museet i Bøfjorden. Kven var Jim Musters, Guro Grøtan, Kristen Staknes, «Erk Lånn’» og «Jo Sengen»?

Bernt G. Bøe INNSENDT BIDRAG
Publisert

Mange enkeltmenneske fortener å bli hugsa. Historielaget lovar denne gong livshistorier i alle nyansar: Eksotiske stamtavler og høgspent dramatikk. Gripande tapperhet trass tung lagnad. Friskt og fyndig sjømannsliv, mystikk og overtru i rikt mål.

Musters – meir enn Vaulen

Jim Chaworth-Musters var ikkje berre eigar av markagarden Vaulen, men naturforskar, krigsoffiser og berar av ei imponerande engelsk slektshistorie.

Et gammelt trehus med torvtak.
Familien Musters åtte markagarden Vaulen i mange år.

Landets eldste

Guro Grøtan i Settemsdalen var i si tid landets eldste kvinne og ei personleghet utan sidestykke. Livshistoria er både rørande og humørfylt.

Gammelt bilde av ei gammel kone.
102 år gamle Guro Grøtan til fots frå Settemsdalen til Betna i 1951.

Kvifor «Sengen»?

Kvifor vart forkynnaren og salmediktaren John Tørseth (1810-1885) frå Rindalen kalla for «Jo Sengen»? Svaret er eit uvanleg sterkt kapittel lokalkultur.

Et gammelt brev med snirkelskrift.
Jo Sengen gav ut over 50 eigne salmar. Her autograf med innleiing til sørgesong for ei 7-årig jente frå Storholt (1831).

Sjømenn, fyndord og mystikk

Anekdotene etter kystseglaren Kristen Staknes er mangfaldige. Besøkande vil garantert få bruke lattermusklane over hans replikkar og fyndord!

Et gammelt bilde av en mann i uniform.
Kristen Staknes (1850-1910) – kystseglar med ordet i si makt.

Også Erich Olssøn Heggem (1759-1843, han «Erk Lånn») var sjømann, men er hugsa mest fordi han påståeleg kunne trylle med regler frå sjølvaste «Svartboka»!

Et landskapsbilde med noen bilder med tekst innfelt.
Her på Lånna-ekra (Heggem) budde mystikaren Erk. Ei konkret historie fortel at han bruka Svartboka (med regler som her) og trylla fram motvind for ein sildtjuv ...

Ein temadag spekka med fantastiske historier. Og det aller meste er sant!

ANNONSE:

arrangement historie surnadalsnytt bøfjorden sjøbruksmuseum bøfjorden historielag kultur nyheter
Powered by Labrador CMS