Alti Surnadal:
Ny butikk, utviding og oppgradering
Eigendomssjef Bergsvein Brøske i Alti Forvaltning og senterleiar i Alti Surnadal Lorentz Sæter fortel at i tillegg til den pågåande utvidinga og oppgraderinga av Alti-senteret, så blir Christiania Glassmagasin ny leigetakar.
Christiania Glassmagasin vil bli lokalisert ved Rema 1000 og Boots apotek. Butikken blir på 190 kvadratmeter, og den vil opne i god tid før jul.
– Dette er ei etterlengta signering, som vi har arbeidd lenge med, seier Brøske og Sæter.
Utbygging, oppgraderingar og flyttingar
Brøske og Sæter kan også fortelje at i tillegg til utbygginga, som vil gje større Rema 1000 butikk med ny inngang, er det fleire endringar og oppgraderingar på gang.
Oppgraderingane inneber at Aandahls, Hårsenteret, Princess og Tinde Sparebank i løpet av året vil flytte til nye oppgraderte lokale inne på Alti-senteret. Alle flyttingane vil vere fullført i god tid før julehandelen tek til, kan dei to forsikre.
Også i underetasjen hos O. M. Grefstad er det oppgradering på gang. Her blir verkstaden oppgradert med nye golv og nye portar.
Annonse
Dei to understreka at slike utvidingar og oppgraderingar som foregår no, saman med nye butikkar som Christiania Glassmagasin, er viktige strategiske val for å redusere handelslekkasjen nordover.
Brøske og Sæter har også ambisjonar om at ein skal kunne gå tørrskodd og under tak på heile senteret. Tidsaspektet på dette prosjektet er at det skal realiserast før dei går over i pensjonistane sine rekker!
