Vellykka utstilling på Galleri Bondehuset

Fredag 30.juli var det opning av kunstutstillinga Opera Visuelle på Galleri Bondehuset i Stangvik. Navnet har den fått i samanheng med operaveka, og operakonserten i Bondehuset etter vernissagen. Dei tre utstillarane var Anne Grete Kvendset, Berit Anne Botten Røkkum og Rannveig Brøske.

Brit Dyrnes opna utstillinga og var svært glad for å opne Galleri Bondehuset, og meinte det var flott at 3 damer frå Stangvik vart dei første utstillarane. I tillegg var det musikalske innslag med songar og pianist frå Sommarakademiet i Stangvik.

Brit Dyrnes har hengt opp utstillinga og fått til ei luftig og fin utstilling, der forskjellige uttrykk og teknikk var representerte; både foto, og bilde i olje og akryl.

60-70 personar var innom utstillinga på opningsdagen, og fleire av bilda fekk ein raud prikk ved sida si. Dette vart ei vellykka utstilling på mange måtar. Utstillinga heng til neste søndag.