ANNONSE:

Olsok-konsert i Åsskard

Fredag kveld inviteter Prosjekt 17 til «Sommarkonsert ved olsok» i Åsskard kyrkje. Hovudaktørar er pianisten Hedda Hansen Berg og operasongarane Sigrid Bøe og Erik Rosenius.

Publisert

Med Erik får vi høre utdrag frå «Songs of travel» av Vaughan Williams. Elles syng både han og Sigrid frå sitt klassiske repertoar i opera- og romansestil. Hedda akkompagnerer med klaverversjonar av dei originale orkestersatsane.

Alt tyder på at prestegjeldet Stangvik stod sentralt i feiringa av Olav den heilage i mellomalderen. Korgruppa frå P17 tek oss difor tilbake til helgenkongens dagar – med gregoriansk song som gir tidskoloritt til olsoktradisjonane.

Ein bukett folketonar får og plass i programmet – med referanse til både Christen Bruseth, Petter Dass og 250-årsjubilant Hans Nielsen Hauge.

Erik Rosenius deltok sist på Jonsvaka i Åsskard. Etter olsokkonserten er han m.a. med i første runde av årets internasjonale Dronning Sonja-konkurranse.
Sigrid Vetleseter Bøe gjestar heimekyrkja mellom operaroller, songakademi og musikaloppdrag.
Hedda Hansen Berg gir tonefølgje.
Desse og fleire frå Prosjekt 17 syng gregoriansk og folketonar. Frå venstre Kari Sæther, Kirsten B. Bøe, Inger Garthe og Randi V. Bøe.
åsskard kyrkje annonse kyrkja i surnadal surnadalsnytt kultur
Powered by Labrador CMS