Høgtideleg inngangsprosesjon
Høgtideleg inngangsprosesjon

Hipp hurra, sa Bartimeus

6-åringane i Rindal hadde vore samla ein dag tidlegare i veka, og da hadde dei høyrt om blinde Bartimeus som fekk att synet. Dei visste kva han sa, og no var dei klare for å få 6-årsboka under gudstenesta i Rindal kirke.

Publisert
Vårleg innmarsj, med antydning til ukrainske farga roser.
Vårleg innmarsj, med antydning til ukrainske farga roser.
Rosene fekk plass på alteret.
Rosene fekk plass på alteret.

Gudstenesta opna med at barnekor og 6-åringar kom inn med roser til alteret medan kyrkjelyden song No livnar det i lundar.

Etter ei bønn for Ukraina, las dagens medhjelpar, Arnhild Foseide Fagerholt, teksta om den barmhjertige samaritanen.

Røvarane forlet mannen skamslegen.
Røvarane forlet mannen skamslegen.
Så kom den barmhjertige samaritanen!
Så kom den barmhjertige samaritanen!

Trusopplæringsledar Elsa Jensvold dramatiserte teksta på flanellografen i lag med barna. Dei hadde i alle fall høyrt om Jesus, for kvar gong Elsa viste fram ein ny person, kom det forslag på Jesus!

Inger Bolme og Arnhild Foseide Fagerholt frå soknerådet delte ut 6-årsboka til ivrige 6-åringane.

Her står 6-åringane med dei nye bøkene sine
Her står 6-åringane med dei nye bøkene sine
Evald Børset Risk var snar til å opne boka
Evald Børset Risk var snar til å opne boka
Rindal barnekor med eige band!
Rindal barnekor med eige band!

Barnekoret, leda av Ronny Kjøsen og Elsa, hadde fleire friske innslag under gudstenesta.

- Oss blir så glad tå å sjå dokk, sa Arnhild Foseide Fagerholt da ho takka dei.

Gudstenesta vart avslutta med denne salmen som passar godt å referere no, med ekstra vekt på siste verset!

Jeg folder mine hender små i takk og bønn til deg.
La alle barn i verden få det like godt som jeg.

Vern alle med din sterke hand mot fattigdom og død.
Og hjelp små barn i alle land så ingen lider nød.

La ingen krig og sult og sott få gjøre oss fortred.
La alle leve trygt og godt i frihet og i fred.

(Torbjørn Egner)

Powered by Labrador CMS