Årstreff og gudsteneste

Etter gudstenesta i Åsskard komande søndag er kyrkjekaffen utvida til årstreff med middag og blikk på «hendt og hender» i soknet.

Kyrkjelydsårsmøtet er ikkje obligatorisk lenger. Men mange sokn har likevel eit årleg treff som fokuserer på det kyrkjelege fellesskapet og arbeidet i året som gjekk. Slike møte blir haldne mange stader i tida før påske.

I Åsskard er utvidinga av Gammelkyrkjegarden ei aktuell sak. Dertil blir leiarens årsrapport supplert med biletserie om aktivitetene i 2022 – frå dugnad og barnekveldar til konsertar og TV-strømming. Det skjer mykje i kyrkjemiljøet!

Soknerådet serverer sodd til middag og har ei lita utlodning. Ordet er fritt til samtale.