Med fjellgruppa til Vaulen

For fleire av oss var det førstegongsvitjing til denne namngjetne fjellgarden hans Musters. Etter grei sti kom vi fram til den fine setervollen, og like bortanfor ligg den staselege stova på Vaulen. Vi fikk fortalt om alt dugnadsarbeidet som der var nedlagt.

Det var velstelt og i orden både ute og inne. Kommunen har lagt til rette for bruk, også overnatting for ein rimeleg penge, og anlegget fortener å bli bruka!

Vi inntok mat og drikke i den store gapahuken med utsikt ut over vatnet og skoddeheimen, og var samde om at vi lyt attende ein godversdag for å få rette opplevinga.

På returen var vi innom hytteanlegget til Anne og Brage - der og var det gjort mykje og godt arbeid! Og så er det ei heil veke til neste tur!