Ingen Kyndelsmessebasar

I dette pandemi-året blir det brot på denne lange tradisjonen. Basar med åresalg og matsalg er uråd.

Den første basaren på Kyndelsmessedagen var 2. februar 1893. Alt i 1888 var det misjonsutlodning i Rindal kyndelsmessedagen. Sidan meiner ein at det har vore Kyndelsmessebasar rundt denne dagen kvart år, og mange både unge og eldre har minner og gevinstar frå slik basar.

Frå dagsregistret til soknepresten frå gamle dagar kan ein lese at det var basar på Rindal for «Rindals og Trønsdals kvindeforening for hedningmissionen og for Rindals kvindeforening for sømandsmissionen» den 2. februar 1905, og at det «indkom til hedningemissionen kr. 93,80, til sømandsmissionen kr. 48.10.»

Kyndelsmessebasaren i 2020 gav kr. 29.925 til msjonsarbeidet, og på det meste har basaren samla inn kr. 43.000,- (2009)

I år er det ingen gevinstar å vinne, ikkje bakels, graut, kaker eller dessert å kjøpe, for det blir ingen Kyndelsmessebasar.