Senterpartiet Møre og Romsdal
Ny fylkesleiar i Møre og Romsdal Senterparti
Valkomiteen innstiller Odd Helge Gangstad frå Molde Senterparti som ny fylkesleiar. Han vil ta over etter Marit Nerås Krogsæter som har takka nei til gjenvalg. Dette melder Møre og Romsdal Senterparti i ei pressemelding.
Odd Helge har lang fartstid i partiet men og i fleire andre organisasjonar, til dømes styremedlem i Tine Midt-Norge og Noregs Bondelag. I arbeidslivet har han vore industriarbeidar på Midsund Bruk, fiskar i Alaska og Argentina, visepresident i Norway Seafoods og bonde i samdrift på heimgarden på Midsund.
Han har vore kommunestyrerepresentant og seinare ordførar i Midsund for Senterpartiet, den første SP-ordføraren sida 80-talet. Etter kommunereforma blei han varaordførar i Molde. Gangstad er i dag 1.nestleiar i Møre og Romsdal Senterparti og kommunestyrerepresentant for Molde Senterparti.
Vidare ser innstillinga frå valkomiteen slik ut:
Odd Helge Gangstad - Molde - Leiar
Per Ivar Lied - Ørsta - 1. nestleiar OPPRYKK FRÅ 2.NESTLEIAR
Lisa Alvestad - Haram - 2. nestleiar NY
Terese Jemtegård Moen - Fjord - Studieleiar NY
Dordi B. Lerum - Tingvoll - Styremedlem NY
Jorunn Karin Kvernen - Kristiansund - Styremedlem
Trond Malmedal - Hustadvika - Styremedlem
Valet skjer på fylkesårsmøte 2.-3. mars på Scandic Parken i Ålesund.
