Skjærtorsdag, med rein himmel, første fridag i påska, - da inviterte iTrollheimen til bålkaffe og svele i Trollheimstunet. Klart det ikkje var troll der denne solrike dagen! Dei hadde i tilfelle sprukke lenge før kaffen var klar, men glade folk var det!
Store og små strømma til Trollheimstunet skjærtorsdag.Foto: Ole Trygve Foseide
Folk strømma til frå hytter og hus. Somme stoppa på veg heim etter ein lengre tur, andre drog vidare etter ein kort stopp, men dei fleste hadde Trollheimstunet som mål denne dagen.
Folksamt på Trollheimstunet.Foto: Ole Trygve Foseide
Dei var nok enige om at dei fortente ein slik dag etter det veret som har vore. Kanskje vi har såpass mykje tilgode at det varer fleire dagar!
Ein gjeng frå Trondheim, og ein frå Ytre Enebakk - med dei assosiasjonane det kan føre med seg, hadde funne seg eit langbord og kosa seg godt i sola. Truleg har dei hytte i Helgetunmarka.Foto: Ole Trygve Foseide
Trugesertifisering, som var kombinert med natursti.Foto: Ole Trygve Foseide
Premien for naturstien er ei sjokoladekaka, med kvit sjokolade som snø som dekker fjellet, ei lita hytte ved eit fjellvatn i gelé, produsert av Uma Børset Bekken.Foto: Ole Trygve Foseide
Nora og Helle fra Oslo og Trondheim får utdelt trugesertifikat etter fullført eksamensrunde.Foto: Ole Trygve Foseide
Nora og Helle viser stolte fram sertifikatet, som gjeld livet ut. Tvilsamt om andre i skoleklassen har dette plastkortet!Foto: Ole Trygve Foseide
Mamma Åse, påskekylling Uma og mormor Laila sørga for at lappene vart steikte og smurte med for eksempel smør, sukker og kanel - kjempegode var dei!Foto: Ole Trygve Foseide
Blandt dei som smaka svelene var også ein frå Molde, som Gøran hevda var autorisert svelekontrollør, - tå dæm høgst utdanna!Foto: Ole Trygve Foseide
Pølse hører også med på grillen ein slik dag.Foto: Ole Trygve Foseide