Historie og consertino
Halsa sokneråd og Senioruniversitetet for Indre Nordmøre samarbeida om arrangement i Halsa kyrkje onsdag 1. juni.
Leiar for senioruniversitetet, Einar Oterholm, ønska 40 deltakarar velkomne til omvising og historia til Halsa kyrkje. Kyrkja er vakkert utsmykka, og har ei interessant historie, som Einar Oterholm har skreve historia til. Det var ei lydhør forsamling som lytta til foredraget.
Etter kaffepause med «græt å bakels», på skikkeleg nordmørs vis, var det konsert med organisten i Heim kommune, Bjørn Leifsson. Konserten starta med Bach og Schubert, følgde på med "Trondhjemsnatt" av Åge Alexandersen og avslutta med allsong, «I slåttatæja», av Hans Hyldbakk/Henning Sommerro. Ikkje minst må det nemnast at det var to par som hadde bryllaupsdag i dag, og dermed vart også «Bruremarsj frå Valsøyfjord» spela til stor applaus frå forsamlinga.
Leiar i soknerådet, Ellbjørg Reiten, avslutta med å snakke om korleis bygda, kommunen og bedrifter har støtta opp om vedlikehald av kyrkja, og at dette engasjementet er sterkt i dag slik som det har vore opp igjennom tidene.
Innsendt av Indre Nordmøre Senioruniversitet v/Grethe Snoen.
