Informasjonsmøte om fosterheimar 13. oktober i Surnadal

Lurar du på korleis det er å vere fosterheim? Dette møtet er for deg som er nysgjerrig på kva dette inneber.

På møtet kan du stille spørsmål om alt du lurar på, og det er heilt uforpliktande å delta. Ordførar Hugo Pedersen vil også delta i møtet. 

Møtet blir arrangert av Fosterhjemstjenesten i Bufetat og Indre Nordmøre Barneverntjeneste. Du kan også ta kontakt i etterkant om det er noko du heller vil ta på tomannshand.

Dette får du vite meir om

• Kven kan bli fosterforelder, og korleis bli det
• Kva kjenneteiknar barna som trenger fosterheim, og kvifor dei må flytte frå foreldra sine
• Opplæring for å bli fosterheim, og oppfølging og veiledning når barnet flyttar inn
• Kva forventast av deg som fosterforelder
• Økonomi, godtgjering og rettar
• Forskjellane på ein vanleg fosterheim, ein spesialisert fosterheim og et beredskapsheim

Tid og stad 

Kommunestyresalen, Bårdshaugvegen 1, 6650 Surnadal, måndag 13. oktober kl. 17.00 - 18.00

Meir informasjon og påmelding på Surnadal kommune si heimeside