Koronavirus:
Påvist smittetilfelle i Surnadal
Den smitta, ein eldre person, er isolert og smittesporing er i gang, melder kommuneoverlege Bjørn Buan i Surnadal kommune.
– No har kommunen vore koronafri ein del veker, men vi fekk melding om eit nytt tilfelle i går kveld og smittesporing er i full gang igjen. Den smitta er ein eldre fullvaksinert person.
Det skriv kommuneoverlege Bjørn Buan på Surnadal kommune sine eigne heimesider.
– I lys av smittesituasjonen i landet og i regionen rundt oss, er det som forventa. Kommunen har vore forberedt på at smitte vil dukke opp og har beredskap for å minimere konsekvensane, skriv Buan.
