Bøfjorden historielag:

Tre turkledde personer ved en varde på en høyde, med utsikt over fjord og fjell. Sommer og sol.
Praktfull utsikt frå Bølia – over Bøfjorden mot Kristiansund og Trøndelag.

Tema Friluft på museet: Turtips til lands og til sjøs

Alle med sans for trim, kulturminne, fjell- og sjøliv får gode tips og informasjon på Bøfjorden Sjøbruksmuseum søndag.

Bøfjorden historielag INNSENDT BIDRAG
Publisert

Historielaget markerer Friluftslivets år 2025 med temadag på sin måte. Ein biletserie gir forslag til utflukter i vakker natur ut frå heftet «Turar i Bøfjorden». Her er opplegg for alle ambisjonsnivå: Til Kalset og Hyllrabben kan ein trille barnevogn. Litt brattare, men overkommeleg for dei fleste, er Hjelmen og Blåfjellet.

Tre turskilt på en stolpe i marka.
Bøfjord Idrettslag har skilta korte og lengre turar rundt bygda.
Ei gruppe med barn og voksne foran en stor gammel hvitmalt gårdsbygning i tre. Sol og sommer.
Trodalen er ynda turmål. Her skuletur for nokre år sia.

Kulturhistorie og strandhogg

Spennande hendingar og særtrekk knyter seg til dei 26 rutene i heftet. Mykje utfaldar seg i foto på lerretet.

Vante turfolk i salen vil kommentere turane, og ordet er fritt for alle innspel.

To smilende personer i en trebåt på fjorden i sommervær.
Båttur langs Kalsetlandet i frisk sommarbris.

Dessutan innbyr sjøen til båttur og strandhogg. Programmet gir aha-opplysningar om busetnad, fiskeplassar og dramatiske hendingar langs fjorden.

Ekstra: Modellskuter 

Som ekstranummer dukkar to modellbyggjarar frå Averøya opp med nye, prektige skuter: Magne Norman Otterlei med miniutgåve av snurparen «Veslegut» og Charles Leite med jekta «Hansine». Dermed vil også skipsfarten på havet og langs kysten bli del av museumsprogrammet.

To modeller av båter.
Modellar av jekta «Hansine» og snurparen «Veslegut» blir ekstra innslag på museumsdagen.

Søstrene Kirsten og Astrid ståkar på kjøkenet.

--

 ANNONSE:



arrangement surnadalsnytt friluftsliv bøfjorden sjøbruksmuseum bøfjorden nyheter bøfjorden historielag
Powered by Labrador CMS