Korrektur for heimane frå Honnstad til Kvammen - Sjekk e-post!

Vi på bygdebokkontoret i Surnadal arbeider no på spreng for å få ei ny bygdebok klar til jul. Vil du unngå feil om familien din i den nye boka, er vi avhengige av at du hjelper oss med finpussen av tekstane. For tida arbeider vi intensivt med å sende korrektur ut til dei ulike heimane, og vi sender til dei aller, aller fleste ut korrektur på e-post. Det er derfor no ekstra viktig at folk følgjer med innboksen sin, for det er korte svarfristar på å rette opp feil og koma med nye innspel. Heimane som høyrer til under Kvammen, skal allereie ha fått korrektur tilsendt, og Sande er like om hjørnet. Resten kjem slag i slag!

Boka som er i kjømda skal omfatte heimane frå og med Honnstad til og med Kvammen, på sørsida av elva.

Sender med eit bilde av ein tidlegare bustad, Steinavollen på Honnstad.